अध्याय 267: लक्ष्मण की क्रुद्ध दृष्टि, कोलाहल से सीता चिंतित

वैनतेय बलि जिमि चह कागू । जिमि सस चहइ नाग-अरि भागू ॥
जिमि वह कुसल अकारन कोही । सब सम्पदा चहइ सिव-द्रोही ॥

vainateya bali jimi caha kāgū | jimi sasa cahai nāga-ari bhāgū ||
jimi vaha kusala akārana kohī | saba sampadā cahai siva-drohī ||

लोभी लोलुप कल कीरति चहई । अकलङ्कता कि कामी लहई ॥
हरि-पद-विमुख सुगति जिमि चाहा । तस तुम्हार लालचु नरनाहा ॥

lobhī lolupa kala kīrati cahaī | akalaṅkatā ki kāmī lahaī ||
hari-pada-vimukha sugati jimi cāhā | tasa tumhāra lālacu naranāhā ||

कोलाहल सुनि सीय सकानी । सखीं लवाइ गईं जहँ रानी ॥
राम सुभायँ चले गुरु पाहीं । सिय-सनेह बरनत मन माहीं ॥

kolāhala suni sīya sakānī | sakhīṃ lavāi gaīṃ jaham̐ rānī ||
rāma subhāyam̐ cale guru pāhīṃ | siya-saneha baranata mana māhīṃ ||

रानिन्ह सहित सोचबस सीया । अब धौँ बिधिहि काह करनीया ॥
भूप बचन सुनि इत उत तकहीं । लखन राम-डर बोलि न सकहीं ॥

rāninha sahita socabasa sīyā | aba dhaum̐ bidhihi kāha karanīyā ||
bhūpa bacana suni ita uta takahīṃ | lakhana rāma-ḍara boli na sakahīṃ ||