अध्याय 257: सीता महेश, भवानी और गणेश से विनती करती हैं

काम कुसुम-धनु-सायक लीन्हे । सकल भुवन अपने बस कीन्हे ॥
देबि तजिअ संसय अस जानी । भञ्जब धनुष राम सुनु रानी ॥

kāma kusuma-dhanu-sāyaka līnhe | sakala bhuvana apane basa kīnhe ||
debi tajia saṃsaya asa jānī | bhañjaba dhanuṣa rāma sunu rānī ||

सखी बचन सुनि भइ परतीती । मिटा बिषाद बढ़ी अति प्रीती ॥
तब रामहिँ बिलोकि बैदेही । सभय हृदयँ बिनवति जेहि तेही ॥

sakhī bacana suni bhai paratītī | miṭā biṣāda bar̤hī ati prītī ||
taba rāmahim̐ biloki baidehī | sabhaya hṛdayam̐ binavati jehi tehī ||

मनहीं मन मनाव अकुलानी । होहु प्रसन्न महेस भवानी ॥
करहु सुफल आपनि सेवकाई । करि हित हरहु चाप गरुआई ॥

manahīṃ mana manāva akulānī | hohu prasanna mahesa bhavānī ||
karahu suphala āpani sevakāī | kari hita harahu cāpa garuāī ||

गन-नायक बर-दायक देवा । आजु लगें कीन्हिउँ तव सेवा ॥
बार बार बिनती सुनि मोरी । करहु चाप-गुरुता अति थोरी ॥

gana-nāyaka bara-dāyaka devā | āju lageṃ kīnhium̐ tava sevā ||
bāra bāra binatī suni morī | karahu cāpa-gurutā ati thorī ||