अध्याय 243: दोनों भाइयों के मुख की शोभा

सहज मनोहर मूरति दोऊ । कोटि-काम उपमा लघु सोऊ ॥
सरद-चन्द-निन्दक मुख नीके । नीरज-नयन भावते जी के ॥

sahaja manohara mūrati doū | koṭi-kāma upamā laghu soū ||
sarada-canda-nindaka mukha nīke | nīraja-nayana bhāvate jī ke ||

चितवनि चारु मार-मद-हरनी । भावति हृदय जाति नहिँ बरनी ॥
कल-कपोल-स्त्रुति-कुंडल-लोला । चिबुक अधर सुन्दर मृदु बोला ॥

citavani cāru māra-mada-haranī | bhāvati hṛdaya jāti nahim̐ baranī ||
kala-kapola-struti-kuṃḍala-lolā | cibuka adhara sundara mṛdu bolā ||

कुमुदबन्धु-कर-निन्दक हासा । भृकुटी बिकट मनोहर नासा ॥
भाल बिसाल तिलक झलकाहीँ । कच बिलोकि अलि अवलि लजाहीँ ॥

kumudabandhu-kara-nindaka hāsā | bhṛkuṭī bikaṭa manohara nāsā ||
bhāla bisāla tilaka jhalakāhīm̐ | kaca biloki ali avali lajāhīm̐ ||

पीत चौतनीं सिरन्हि सुहाई । कुसुम-कलीं बिच बीच बनाईं ॥
रेखा रुचिर कम्बु कल गीवाँ । जनु त्रिभुवन सुखमा की सीवाँ ॥

pīta cautanīṃ siranhi suhāī | kusuma-kalīṃ bica bīca banāīṃ ||
rekhā rucira kambu kala gīvām̐ | janu tribhuvana sukhamā kī sīvām̐ ||