अध्याय 241: जिसकी जैसी भावना, उसे वैसी प्रभु-मूर्ति

राजकुअँर तेहि अवसर आये । मनहुँ मनोहरता तन छाये ॥
गुन-सागर नागर बर बीरा । सुन्दर स्यामल गौर सरीरा ॥

rājakuam̐ra tehi avasara āye | manahum̐ manoharatā tana chāye ||
guna-sāgara nāgara bara bīrā | sundara syāmala gaura sarīrā ||

राज-समाज विराजत रुरे । उडुगन महँ जनु जुग बिधु पूरे ॥
जिन्ह कै रही भावना जैसी । प्रभु मूरति तिन्ह देखी तिन्ह तैसी ॥

rāja-samāja virājata rure | uḍugana maham̐ janu juga bidhu pūre ||
jinha kai rahī bhāvanā jaisī | prabhu mūrati tinha dekhī tinha taisī ||

देखहिँ भूप महा-रन-धीरा । मनहुँ बीर रसु धरें सरीरा ॥
डरे कुटिल नृप प्रभुहि निहारी । मनहुँ भयानक मूरति भारी ॥

dekhahim̐ bhūpa mahā-rana-dhīrā | manahum̐ bīra rasu dhareṃ sarīrā ||
ḍare kuṭila nṛpa prabhuhi nihārī | manahum̐ bhayānaka mūrati bhārī ||

रहे असुर छल छोनिप बेखा । तिन्ह प्रभु प्रगट काल सम देखा ॥
पुरबासिन्ह देखे दोउ भाई । नर-भूषन लोचन सुखदाई ॥

rahe asura chala chonipa bekhā | tinha prabhu pragaṭa kāla sama dekhā ||
purabāsinha dekhe dou bhāī | nara-bhūṣana locana sukhadāī ||