अध्याय 233: दोनों वीर किशोरों की शोभा

सोभा सीवँ सुभग दोउ बीरा । नील-पीत-जलजाभ सरीरा ॥
मोर-पंख सिर सोहत नीके । गुच्छ बीच बिच कुसुम-कली के ॥

sobhā sīvam̐ subhaga dou bīrā | nīla-pīta-jalajābha sarīrā ||
mora-paṃkha sira sohata nīke | guccha bīca bica kusuma-kalī ke ||

भाल तिलक श्रमबिंदु सुहाये । स्त्रवन सुभग भूषन छबि छाये ॥
बिकट भृकुटि कच घूघरवारे । नव-सरोज लोचन रतनारे ॥

bhāla tilaka śramabiṃdu suhāye | stravana subhaga bhūṣana chabi chāye ||
bikaṭa bhṛkuṭi kaca ghūgharavāre | nava-saroja locana ratanāre ||

चारु चिबुक नासिका कपोला । हास बिलास लेत मन मोला ॥
मुख-छबि कहि न जाइ मोहि पाहीँ । जो बिलोकि बहु काम लजाहीँ ॥

cāru cibuka nāsikā kapolā | hāsa bilāsa leta mana molā ||
mukha-chabi kahi na jāi mohi pāhīm̐ | jo biloki bahu kāma lajāhīm̐ ||

उर-मनि-माल कम्बु कल गीवा । काम-कलभ-कर भुज बल सीवाँ ॥
सुमन समेत बाम कर दोना । सावँर कुअँर सखी सुठि लोना ॥

ura-mani-māla kambu kala gīvā | kāma-kalabha-kara bhuja bala sīvām̐ ||
sumana sameta bāma kara donā | sāvam̐ra kuam̐ra sakhī suṭhi lonā ||