अध्याय 232: लताओं की ओट से सीता श्रीराम को देखती हैं

चितवहि चकित चहूँ दिसि सीता । कहँ गये नृप-किसोर मन चिन्ता ॥
जहँ बिलोक मृग-सावक-नैनी । जनु तहँ बरिस कमल-सित-स्रेनी ॥

citavahi cakita cahūm̐ disi sītā | kaham̐ gaye nṛpa-kisora mana cintā ||
jaham̐ biloka mṛga-sāvaka-nainī | janu taham̐ barisa kamala-sita-srenī ||

लता ओट तब सखिन्ह लखाये । स्यामल गौर किसोर सुहाये ॥
देखि रूप लोचन ललचाने । हरषे जनु निज निधि पहिचाने ॥

latā oṭa taba sakhinha lakhāye | syāmala gaura kisora suhāye ||
dekhi rūpa locana lalacāne | haraṣe janu nija nidhi pahicāne ||

थके नयन रघुपति छबि देखें । पलकन्हिहूँ परिहरीं निमेखे ॥
अधिक सनेहँ देह भइ भोरी । सरद-ससिहि जनु चितव चकोरी ॥

thake nayana raghupati chabi dekheṃ | palakanhihūm̐ pariharīṃ nimekhe ||
adhika saneham̐ deha bhai bhorī | sarada-sasihi janu citava cakorī ||

लोचन मग रामहिँ उर आनी । दीन्हे पलक कपाट सयानी ॥
जब सिय सखिन्ह प्रेम-बस जानी । कहि न सकहिँ कछु मन सकुचानी ॥

locana maga rāmahim̐ ura ānī | dīnhe palaka kapāṭa sayānī ||
jaba siya sakhinha prema-basa jānī | kahi na sakahim̐ kachu mana sakucānī ||