अध्याय 228: सीता गिरिजा-पूजन के लिए आती हैं

चहुँ दिसि चितइ पूँछि मालिगन । लगे लेन दल फूल मुदित मन ॥
तेहि अवसर सीता तहँ आई । गिरिजा पूजन जननि पठाई ॥

cahum̐ disi citai pūm̐chi māligana | lage lena dala phūla mudita mana ||
tehi avasara sītā taham̐ āī | girijā pūjana janani paṭhāī ||

सङ्ग सखीं सब सुभग सयानी । गावहिँ गीत मनोहर बानी ॥
सर समीप गिरिजा गृह सोहा । बरनि न जाइ देखि मन मोहा ॥

saṅga sakhīṃ saba subhaga sayānī | gāvahim̐ gīta manohara bānī ||
sara samīpa girijā gṛha sohā | barani na jāi dekhi mana mohā ||

मज्जन करि सर सखिन्ह समेता । गई मुदित मन गौरि निकेता ॥
पूजा कीन्हि अधिक अनुरागा । निज-अनुरूप सुभग बर माँगा ॥

majjana kari sara sakhinha sametā | gaī mudita mana gauri niketā ||
pūjā kīnhi adhika anurāgā | nija-anurūpa subhaga bara mām̐gā ||

एक सखी सिय सङ्ग बिहाई । गई रही देखन फुलवाई ॥
तेहि दोउ बन्धु बिलोके जाई । प्रेम-बिबस सीता पहिँ आई ॥

eka sakhī siya saṅga bihāī | gaī rahī dekhana phulavāī ||
tehi dou bandhu biloke jāī | prema-bibasa sītā pahim̐ āī ||