अध्याय 220: झरोखों से निहारती मिथिला की स्त्रियाँ

देखन नगर भूप-सुत आये । समाचार पुरबासिन्ह पाये ॥
धाये धाम काम सब त्यागी । मनहुँ रङ्क निधि लूटन लागी ॥

dekhana nagara bhūpa-suta āye | samācāra purabāsinha pāye ||
dhāye dhāma kāma saba tyāgī | manahum̐ raṅka nidhi lūṭana lāgī ||

निरखि सहज सुन्दर दोउ भाई । होहिँ सुखी लोचन फल पाई ॥
जुबतीं भवन झरोखन्हि लागीँ । निरखहिँ राम रूप अनुरागीँ ॥

nirakhi sahaja sundara dou bhāī | hohim̐ sukhī locana phala pāī ||
jubatīṃ bhavana jharokhanhi lāgīm̐ | nirakhahim̐ rāma rūpa anurāgīm̐ ||

कहहिँ परसपर बचन सप्रीती । सखि इन्ह कोटि काम छबि जीती ॥
सुर नर असुर नाग मुनि माहीँ । सोभा असि कहुँ सुनिअति नाहीँ ॥

kahahim̐ parasapara bacana saprītī | sakhi inha koṭi kāma chabi jītī ||
sura nara asura nāga muni māhīm̐ | sobhā asi kahum̐ suniati nāhīm̐ ||

बिष्नु चारि भुज बिघि मुख चारी । बिकट-बेष मुख-पञ्च पुरारी ॥
अपर देव अस कोउ न आही । यह छबि सखी पटतरिअ जाही ॥

biṣnu cāri bhuja bighi mukha cārī | bikaṭa-beṣa mukha-pañca purārī ||
apara deva asa kou na āhī | yaha chabi sakhī paṭataria jāhī ||