अध्याय 213: जनकपुर की शोभा

बनइ न बरनत नगर निकाई । जहाँ जाइ मन तहँइँ लोभाई ॥
चारु बजार बिचित्र अँवारी । मनिमय बिधि जनु बिधि स्वकर सँवारी ॥

banai na baranata nagara nikāī | jahām̐ jāi mana taham̐im̐ lobhāī ||
cāru bajāra bicitra am̐vārī | manimaya bidhi janu bidhi svakara sam̐vārī ||

धनिक-बनिक बर धनद समाना । बैठे सकल बस्तु लेइ नाना ॥
चौहट सुन्दर गलीं सुहाई । सन्तत रहहिँ सुगन्ध सिँचाई ॥

dhanika-banika bara dhanada samānā | baiṭhe sakala bastu lei nānā ||
cauhaṭa sundara galīṃ suhāī | santata rahahim̐ sugandha sim̐cāī ||

मङ्गल-मय मन्दिर सब केरें । चित्रित जनु रतिनाथ चितेरें ॥
पुर नर-नारि सुभग सुचि सन्ता । धरमसील ज्ञानी गुनवन्ता ॥

maṅgala-maya mandira saba kereṃ | citrita janu ratinātha citereṃ ||
pura nara-nāri subhaga suci santā | dharamasīla jñānī gunavantā ||

अति अनूप जहँ जनक-निवासू । बिथकहिं बिबुध बिलोकि बिलासू ॥
होत चकित चित कोट बिलोकी । सकल भुवन सोभा जनु रोकी ॥

ati anūpa jaham̐ janaka-nivāsū | bithakahiṃ bibudha biloki bilāsū ||
hota cakita cita koṭa bilokī | sakala bhuvana sobhā janu rokī ||