अध्याय 211: चरण-स्पर्श से अहल्या का उद्धार

परसत पद-पावन, सोक नसावन, प्रगट भई तप,-पुज्ज सही ।
देखत रघुनायक, जन-सुख-दायक, सनमुख होइ कर,-जोरि रही ॥
अति प्रेम अधीरा, पुलक-सरीरा, मुख नहिँ आवइ, बचन कही ।
अतिसय बड़भागी, चरनन्हि लागी, जुगल नयन जल,-धार बही ॥

parasata pada-pāvana, soka nasāvana, pragaṭa bhaī tapa,-pujja sahī |
dekhata raghunāyaka, jana-sukha-dāyaka, sanamukha hoi kara,-jori rahī ||
ati prema adhīrā, pulaka-sarīrā, mukha nahim̐ āvai, bacana kahī |
atisaya bar̤abhāgī, carananhi lāgī, jugala nayana jala,-dhāra bahī ||

धीरज मन कीन्हा, प्रभु कहँ चीन्हा, रघुपति कृपाँ भगति पाई ।
अति निर्मल बानीं, अस्तुति ठानी, ज्ञान-गम्य जय, रघुराई ॥
मैं नारि अपावन, प्रभु जग-पावन, रावन-रिपु जन,-सुखदाई ।
राजीव-बिलोचन, भव-भय-मोचन, पाहि पाहि सरनहिँ आई ॥

dhīraja mana kīnhā, prabhu kaham̐ cīnhā, raghupati kṛpām̐ bhagati pāī |
ati nirmala bānīṃ, astuti ṭhānī, jñāna-gamya jaya, raghurāī ||
maiṃ nāri apāvana, prabhu jaga-pāvana, rāvana-ripu jana,-sukhadāī |
rājīva-bilocana, bhava-bhaya-mocana, pāhi pāhi saranahim̐ āī ||

मुनि साप जो दीन्हा, अति भल कीन्हा, परम अनुग्रह, मैँ माना ।
देखेउँ भरि लोचन, हरि भव-मोचन, इहइ लाभ सङ्कर जाना ॥
बिनती प्रभु मोरी, मैं मति भोरी, नाथ न मागउँ बर आना ।
पद-कमल-परागा, रस अनुरागा, मम मन मधुप करइ पाना ॥

muni sāpa jo dīnhā, ati bhala kīnhā, parama anugraha, maim̐ mānā |
dekheum̐ bhari locana, hari bhava-mocana, ihai lābha saṅkara jānā ||
binatī prabhu morī, maiṃ mati bhorī, nātha na māgaum̐ bara ānā |
pada-kamala-parāgā, rasa anurāgā, mama mana madhupa karai pānā ||

जेहिं पद सुरसरिता, परम पुनीता, प्रगट भई सिव,-सीस धरी ।
सोई पद-पङ्कज, जेहि पूजत अज, मम सिर धरेउ कृपाल हरी ॥
एहि भाँति सिधारी, गौतम नारी, बार बार हरि, चरन परी ।
जो अति मन भावा, सो बर पावा, गह पतिलोक अनन्द भरी ॥

jehiṃ pada surasaritā, parama punītā, pragaṭa bhaī siva,-sīsa dharī |
soī pada-paṅkaja, jehi pūjata aja, mama sira dhareu kṛpāla harī ||
ehi bhām̐ti sidhārī, gautama nārī, bāra bāra hari, carana parī |
jo ati mana bhāvā, so bara pāvā, gaha patiloka ananda bharī ||