अध्याय 210: मारीच-सुबाहु और अहल्या का आश्रम

प्रात कहा मुनि सन रघुराई । निर्भय जज्ञ करहु तुम्ह जाई ॥
होम करन लागे मुनि झारी । आपु रहे मख कीं रखवारी ॥

prāta kahā muni sana raghurāī | nirbhaya jajña karahu tumha jāī ||
homa karana lāge muni jhārī | āpu rahe makha kīṃ rakhavārī ||

सुनि मारीच निसाचर क्रोही । लेइ सहाय धावा मुनि-द्रोही ॥
बिनु फर बान राम तेहि मारा । सत जोजन गा सागर पारा ॥

suni mārīca nisācara krohī | lei sahāya dhāvā muni-drohī ||
binu phara bāna rāma tehi mārā | sata jojana gā sāgara pārā ||

पावक-सर सुबाहु पुनि जारा । अनुज निसाचर कटक सँघारा ॥
मारि असुर द्विज-निर्भय-कारी । अस्तुति करहिँ देव-मुनि-झारी ॥

pāvaka-sara subāhu puni jārā | anuja nisācara kaṭaka sam̐ghārā ||
māri asura dvija-nirbhaya-kārī | astuti karahim̐ deva-muni-jhārī ||

तहँ पुनि कछुक दिवस रघुराया । रहे कीन्हि बिप्रन्ह पर दाया ॥
भगति हेतु बहु कथा पुराना । कहे बिप्र जद्यपि प्रभु जाना ॥

taham̐ puni kachuka divasa raghurāyā | rahe kīnhi bipranha para dāyā ||
bhagati hetu bahu kathā purānā | kahe bipra jadyapi prabhu jānā ||

तब मुनि सादर कहा बुझाई । चरित एक प्रभु देखिय जाई ॥
धनुष-जज्ञ सुनि रघुकुल नाथा । हरषि चले मुनिबर के साथा ॥

taba muni sādara kahā bujhāī | carita eka prabhu dekhiya jāī ||
dhanuṣa-jajña suni raghukula nāthā | haraṣi cale munibara ke sāthā ||

आस्त्रम एक दीख मग माहीँ । खग मृग जीव जन्तु तहँ नाहीँ ॥
पूछा मुनिहि सिला प्रभु देखी । सकल कथा रिषि कही बिसेखी ॥

āstrama eka dīkha maga māhīm̐ | khaga mṛga jīva jantu taham̐ nāhīm̐ ||
pūchā munihi silā prabhu dekhī | sakala kathā riṣi kahī bisekhī ||