अध्याय 19: राम नाम की महिमा

बन्दउँ नाम राम रघुबर को । हेतु कृसानु-भानु-हिमकर को ॥
बिधि-हरि-हर-मय-बेद-प्रान सो । अगुन अनूपम गुन-निधान सो ॥

bandaum̐ nāma rāma raghubara ko | hetu kṛsānu-bhānu-himakara ko ||
bidhi-hari-hara-maya-beda-prāna so | aguna anūpama guna-nidhāna so ||

महा मन्त्र जोइ जपत महेसू । कासीं मुकुति हेतु उपदेसू ॥
महिमा जासु जान गनराऊ । प्रथम पूजिअत नाम प्रभाऊ ॥

mahā mantra joi japata mahesū | kāsīṃ mukuti hetu upadesū ||
mahimā jāsu jāna ganarāū | prathama pūjiata nāma prabhāū ||

जान आदिकबि नाम-प्रतापू । भयउ सुद्ध करि उलटा जापू ॥
सहस-नाम-सम सुनि सिव बानी । जपि जेई पिय सङ्ग भवानी ॥

jāna ādikabi nāma-pratāpū | bhayau suddha kari ulaṭā jāpū ||
sahasa-nāma-sama suni siva bānī | japi jeī piya saṅga bhavānī ||

हरषे हेतु हेरि हर ही को । किय भूषन तिय भूषन ती को ॥
नाम प्रभाव जान सिव नीको । कालकूट फल दीन्ह अमी को ॥

haraṣe hetu heri hara hī ko | kiya bhūṣana tiya bhūṣana tī ko ||
nāma prabhāva jāna siva nīko | kālakūṭa phala dīnha amī ko ||