अध्याय 198: चारों भाई और कौसल्या की गोद

धरे नाम गुरु हृदयँ बिचारी । बेद-तत्व नृप तव सुत चारी ॥
मुनि-धन जन-सरबस सिव-प्राना । बाल केलि-तेहिं सुख माना ॥

dhare nāma guru hṛdayam̐ bicārī | beda-tatva nṛpa tava suta cārī ||
muni-dhana jana-sarabasa siva-prānā | bāla keli-tehiṃ sukha mānā ||

बारेहि तेँ निज हित पति जानी । लछिमन राम-चरन-रति मानी ॥
भरत सत्रुहन दूनउ भाई । प्रभु सेवक जसि प्रीति बड़ाई ॥

bārehi tem̐ nija hita pati jānī | lachimana rāma-carana-rati mānī ||
bharata satruhana dūnau bhāī | prabhu sevaka jasi prīti bar̤āī ||

स्याम गौर सुन्दर दोउ जोरी । निरखहिँ छबि जननीं तृन तोरी ॥
चारिउ सील-रूप गुन धामा । तदपि अधिक सुख-सागर-रामा ॥

syāma gaura sundara dou jorī | nirakhahim̐ chabi jananīṃ tṛna torī ||
cāriu sīla-rūpa guna dhāmā | tadapi adhika sukha-sāgara-rāmā ||

हृदयँ अनुग्रह इन्दु प्रकासा । सूचत किरन मनोहर हासा ॥
कबहुँ उछङ्ग कबहुँ बर पलना । मातु दुलारइ कहि प्रिय ललना ॥

hṛdayam̐ anugraha indu prakāsā | sūcata kirana manohara hāsā ||
kabahum̐ uchaṅga kabahum̐ bara palanā | mātu dulārai kahi priya lalanā ||