अध्याय 197: वसिष्ठ द्वारा चारों भाइयों का नामकरण

कछुक दिवस बीते एहि भाँती । जात न जानिय दिन अरु राता ॥
नाम-करन कर अवसर जानी । भूप बोलि पठये मुनि-ज्ञानी ॥

kachuka divasa bīte ehi bhām̐tī | jāta na jāniya dina aru rātā ||
nāma-karana kara avasara jānī | bhūpa boli paṭhaye muni-jñānī ||

करि पूजा भूपति अस भाखा । धरिय नाम जो मुनि गुनि राखा ॥
इन्ह के नाम अनेक अनूपा । मैँ नृप कहब स्वमति अनुरूपा ॥

kari pūjā bhūpati asa bhākhā | dhariya nāma jo muni guni rākhā ||
inha ke nāma aneka anūpā | maim̐ nṛpa kahaba svamati anurūpā ||

जो आनन्द-सिन्धु सुख-रासी । सीकर तें त्रैलोक सुपासी ॥
सो सुख-धाम राम अस नामा । अखिल-लोक दायक बिश्रामा ॥

jo ānanda-sindhu sukha-rāsī | sīkara teṃ trailoka supāsī ||
so sukha-dhāma rāma asa nāmā | akhila-loka dāyaka biśrāmā ||

बिस्व-भरन-पोषन कर जोई । ता कर नाम भरत अस होई ॥
जा के सुमिरन तेँ रिपु-नासा । नाम सत्रुहन बेद प्रकासा ॥

bisva-bharana-poṣana kara joī | tā kara nāma bharata asa hoī ||
jā ke sumirana tem̐ ripu-nāsā | nāma satruhana beda prakāsā ||