अध्याय 18: सब भक्त, फिर सीता और राम

कपिपति रीछ निसाचर राजा । अङ्गदादि जे कीस-समाजा ॥
बन्दउँ सब के चरन सुहाये । अधम-सरीर राम जिन्ह पाये ॥

kapipati rīcha nisācara rājā | aṅgadādi je kīsa-samājā ||
bandaum̐ saba ke carana suhāye | adhama-sarīra rāma jinha pāye ||

रघुपति चरन उपासक जेते । खग मृग सुर नर असुर समेते ॥
बन्दउँ पद-सरोज सब केरे । जे बिनु काम राम के चेरे ॥

raghupati carana upāsaka jete | khaga mṛga sura nara asura samete ||
bandaum̐ pada-saroja saba kere | je binu kāma rāma ke cere ||

सुक सनकादि भगत मुनि नारद । जे मुनिवर बिज्ञान बिसारद ॥
प्रनवउँ सबहिँ धरनि धरि सीसा । करहु कृपा जन जानि मुनीसा ॥

suka sanakādi bhagata muni nārada | je munivara bijñāna bisārada ||
pranavaum̐ sabahim̐ dharani dhari sīsā | karahu kṛpā jana jāni munīsā ||

जनक-सुता जग-जननि जानकी । अतिसय प्रिय करुना निधान की ॥
ताके जुग-पद-कमल मनावउँ । जासु कृपाँ निरमल मति पावउँ ॥

janaka-sutā jaga-janani jānakī | atisaya priya karunā nidhāna kī ||
tāke juga-pada-kamala manāvaum̐ | jāsu kṛpām̐ niramala mati pāvaum̐ ||

पुनि मन-बचन-करम रघुनायक । चरन-कमल बन्दउँ सब लायक ॥
राजिव-नयन धरें धनु-सायक । भगत-बिपति-भञ्जन सुख दायक ॥

puni mana-bacana-karama raghunāyaka | carana-kamala bandaum̐ saba lāyaka ||
rājiva-nayana dhareṃ dhanu-sāyaka | bhagata-bipati-bhañjana sukha dāyaka ||