अध्याय 168: वर्ष भर के भोज की योजना

जानि नृपहि आपन आधीना । बोला तापस कपट-प्रबीना ॥
सत्य कहउँ भूपति सुनु तोही । जग नाहिँ न दुर्लभ कछु मोही ॥

jāni nṛpahi āpana ādhīnā | bolā tāpasa kapaṭa-prabīnā ||
satya kahaum̐ bhūpati sunu tohī | jaga nāhim̐ na durlabha kachu mohī ||

अवसि काज मैँ करिहउँ तोरा । मन तन बचन भगत तैँ मोरा ॥
जोग-जुगुति तप मन्त्र प्रभाऊ । फलइ तबहिँ जब करिय दुराऊ ॥

avasi kāja maim̐ karihaum̐ torā | mana tana bacana bhagata taim̐ morā ||
joga-juguti tapa mantra prabhāū | phalai tabahim̐ jaba kariya durāū ||

जौँ नरेस मैँ करउँ रसोई । तुम्ह परुसहु मोहि जान न कोई ॥
अन्न सो जोइ जोइ भोजन करई । सोइ सोइ तव आयसु अनुसरई ॥

jaum̐ naresa maim̐ karaum̐ rasoī | tumha parusahu mohi jāna na koī ||
anna so joi joi bhojana karaī | soi soi tava āyasu anusaraī ||

पुनि तिन्ह के गृह जेवँइ जोऊ । तव बस होइ भूप सुनु सोऊ ॥
जाइ उपाय रचहु नृप एहू । सम्बत भरि सङ्कलप करेहू ॥

puni tinha ke gṛha jevam̐i joū | tava basa hoi bhūpa sunu soū ||
jāi upāya racahu nṛpa ehū | sambata bhari saṅkalapa karehū ||