अध्याय 166: ब्राह्मणों को वश करने का उपाय

ता तेँ मैँ तोहि बरजउँ राजा । कहें कथा तव परम अकाजा ॥
छठेँ स्त्रवन यह परत कहानी । नास तुम्हार सत्य मम बानी ॥

tā tem̐ maim̐ tohi barajaum̐ rājā | kaheṃ kathā tava parama akājā ||
chaṭhem̐ stravana yaha parata kahānī | nāsa tumhāra satya mama bānī ||

यह प्रगटें अथवा द्विजश्रापा । नास तोर सुनु भानुप्रतापा ॥
आन उपायँ निधन तव नाहीँ । जौँ हरि हर कोपहिँ मन माहीँ ॥

yaha pragaṭeṃ athavā dvijaśrāpā | nāsa tora sunu bhānupratāpā ||
āna upāyam̐ nidhana tava nāhīm̐ | jaum̐ hari hara kopahim̐ mana māhīm̐ ||

सत्य नाथ पद-गहि नृप भाखा । द्विज-गुरु-कोप कहहु को राखा ॥
राखइ गुरु जौँ कोप बिधाता । गुरु-बिरोध नहिँ कोउ जग त्राता ॥

satya nātha pada-gahi nṛpa bhākhā | dvija-guru-kopa kahahu ko rākhā ||
rākhai guru jaum̐ kopa bidhātā | guru-birodha nahim̐ kou jaga trātā ||

जौँ न चलब हम कहे तुम्हारें । होउ नास नहिँ सोच हमारें ॥
एकहिं हर डरपत मन मोरा । प्रभु महिदेव-साप अति घोरा ॥

jaum̐ na calaba hama kahe tumhāreṃ | hou nāsa nahim̐ soca hamāreṃ ||
ekahiṃ hara ḍarapata mana morā | prabhu mahideva-sāpa ati ghorā ||