अध्याय 165: केवल ब्राह्मण शाप का भय

कह तापस नृप ऐसेइ होऊ । कारन एक कठिन सुनु सोऊ ॥
कालउ तव-पद नाइहि सीसा । एक बिप्र-कुल छाड़ि महीसा ॥

kaha tāpasa nṛpa aisei hoū | kārana eka kaṭhina sunu soū ||
kālau tava-pada nāihi sīsā | eka bipra-kula chār̤i mahīsā ||

तप बल बिप्र सदा बरिआरा । तिन्ह के कोप न कोउ रखवारा ॥
जौँ बिप्रन्ह बस करहु नरेसा । तौ तुअ बस बिधि बिष्नु महेसा ॥

tapa bala bipra sadā bariārā | tinha ke kopa na kou rakhavārā ||
jaum̐ bipranha basa karahu naresā | tau tua basa bidhi biṣnu mahesā ||

चल न ब्रह्म-कुल सन बरिआई । सत्य कहउँ दोउ भुजा उठाई ॥
विप्र साप बिनु सुनु महिपाला । तोर नास नहिँ कवनेहुँ काला ॥

cala na brahma-kula sana bariāī | satya kahaum̐ dou bhujā uṭhāī ||
vipra sāpa binu sunu mahipālā | tora nāsa nahim̐ kavanehum̐ kālā ||

हरषेउ राउ बचन सुनि तासू । नाथ न होइ मोर अब नासू ॥
तव प्रसाद प्रभु कृपानिधाना । मो कहँ सर्ब काल कल्याना ॥

haraṣeu rāu bacana suni tāsū | nātha na hoi mora aba nāsū ||
tava prasāda prabhu kṛpānidhānā | mo kaham̐ sarba kāla kalyānā ||