अध्याय 164: अमरता और अखण्ड राज्य का वर

नाम तुम्हार प्रताप-दिनेसा । सत्यकेतु तव पिता नरेसा ॥
गुरु प्रसाद सब जानिय राजा । कहिअ न आपन जानि अकाजा ॥

nāma tumhāra pratāpa-dinesā | satyaketu tava pitā naresā ||
guru prasāda saba jāniya rājā | kahia na āpana jāni akājā ||

देखि तात तव सहज सुधाई । प्रीति प्रतीति नीति निपुनाई ॥
उपजि परी ममता मन मोरें । कहउँ कथा निज पूछे तोरें ॥

dekhi tāta tava sahaja sudhāī | prīti pratīti nīti nipunāī ||
upaji parī mamatā mana moreṃ | kahaum̐ kathā nija pūche toreṃ ||

अब प्रसन्न मैं संसय नाहीँ । माँगु जो भूप भाव मन माहीँ ॥
सुनि सुबचन भूपति हरषाना । गहि पद बिनय कीन्हि बिधि नाना ॥

aba prasanna maiṃ saṃsaya nāhīm̐ | mām̐gu jo bhūpa bhāva mana māhīm̐ ||
suni subacana bhūpati haraṣānā | gahi pada binaya kīnhi bidhi nānā ||

कृपासिन्धु मुनि दरसन तोरें । चारि पदारथ करतल मोरें ॥
प्रभुहि तथापि प्रसन्न बिलोकी । माँगि अगम बर होउँ असोकी ॥

kṛpāsindhu muni darasana toreṃ | cāri padāratha karatala moreṃ ||
prabhuhi tathāpi prasanna bilokī | mām̐gi agama bara houm̐ asokī ||