अध्याय 163: तपबल की बातें और राजा मोहित

जनि आचरज करहु मन माहीँ । सुत तप तेँ दुर्लभ कछु नाहीँ ॥
तप बल तेँ जग सृजइ विधाता । तप बल बिष्नु भये परित्राता ॥

jani ācaraja karahu mana māhīm̐ | suta tapa tem̐ durlabha kachu nāhīm̐ ||
tapa bala tem̐ jaga sṛjai vidhātā | tapa bala biṣnu bhaye paritrātā ||

तप बल सम्भु करहिँ सङ्घारा । तप तेँ अगम न कछु संसारा ॥
भयउ नृपहि सुनि अति अनुरागा । कथा पुरातन कहइ सो लागा ॥

tapa bala sambhu karahim̐ saṅghārā | tapa tem̐ agama na kachu saṃsārā ||
bhayau nṛpahi suni ati anurāgā | kathā purātana kahai so lāgā ||

करम धरम करम इतिहास अनेका । करइ निरूपन बिरति बिबेका ॥
उदभव-पावन-प्रलय कहानी । कहेसि अमित आचरज बखानी ॥

karama dharama karama itihāsa anekā | karai nirūpana birati bibekā ||
udabhava-pāvana-pralaya kahānī | kahesi amita ācaraja bakhānī ||

सुनि महिप तापस बस भयऊ । आपन नाम कहन तब लयऊ ॥
कह तापस नृप जानउँ तोही । कीन्हेहु कपट लाग भल मोही ॥

suni mahipa tāpasa basa bhayaū | āpana nāma kahana taba layaū ||
kaha tāpasa nṛpa jānaum̐ tohī | kīnhehu kapaṭa lāga bhala mohī ||