अध्याय 162: कपटी का नाम एकतनु

ता तेँ गुपुत रहउँ जग माहीँ । हरि तजि किमपि प्रयोजन नाहीँ ॥
प्रभु जानत सब बिनहिँ जनाये । कहहु कवन सिधि लोक रिझाये ॥

tā tem̐ guputa rahaum̐ jaga māhīm̐ | hari taji kimapi prayojana nāhīm̐ ||
prabhu jānata saba binahim̐ janāye | kahahu kavana sidhi loka rijhāye ||

तुम्ह सुचि सुमति परम प्रिय मोरें । प्रीति प्रतीति मोहि पर तोरें ॥
अब जौँ तात दुरावउँ तोही । दारुन दोष घटइ अति मोही ॥

tumha suci sumati parama priya moreṃ | prīti pratīti mohi para toreṃ ||
aba jaum̐ tāta durāvaum̐ tohī | dāruna doṣa ghaṭai ati mohī ||

जिमि जिमि तापस कथइ उदासा । तिमि तिमि नृपहि उपज विस्वासा ॥
देखा स्वबस करम-मन-बानी । तब बोला तापस बगध्यानी ॥

jimi jimi tāpasa kathai udāsā | timi timi nṛpahi upaja visvāsā ||
dekhā svabasa karama-mana-bānī | taba bolā tāpasa bagadhyānī ||

नाम हमार एकतनु भाई । सुनि नृप बोले पुनि सिर नाई ॥
कहहु नाम कर अरथ बखानी । मोहि सेवक अति आपन जानी ॥

nāma hamāra ekatanu bhāī | suni nṛpa bole puni sira nāī ||
kahahu nāma kara aratha bakhānī | mohi sevaka ati āpana jānī ||