अध्याय 156: शिकार में विशाल सूअर

हृदयँ न कछु फल अनुसन्धाना । भूप बिबेकी परम सुजाना ॥
करइ जे धरम करम मन बानी । वासुदेव अर्पित नृप-ज्ञानी ॥

hṛdayam̐ na kachu phala anusandhānā | bhūpa bibekī parama sujānā ||
karai je dharama karama mana bānī | vāsudeva arpita nṛpa-jñānī ||

चढ़ि बर बाजि बार एक राजा । मृगया कर सब साजि समाजा ॥
बिन्ध्याचल गभीर बन गयऊ । मृग पुनीत बहु मारत भयऊ ॥

car̤hi bara bāji bāra eka rājā | mṛgayā kara saba sāji samājā ||
bindhyācala gabhīra bana gayaū | mṛga punīta bahu mārata bhayaū ||

फिरत बिपिन नृप दीख बराहू । जनु बन दुरेउ ससिहि ग्रसि राहू ॥
बड़ बिधु नहिँ समात मुख माहीँ । मनहुँ क्रोध बस उगिलत नाहीँ ॥

phirata bipina nṛpa dīkha barāhū | janu bana dureu sasihi grasi rāhū ||
bar̤a bidhu nahim̐ samāta mukha māhīm̐ | manahum̐ krodha basa ugilata nāhīm̐ ||

कोल कराल दसन छबि गाई । तनु बिसाल पीवर अधिकाई ॥
घुरुघुरात हय आरौ पाये । चकित बिलोकत कान उठाये ॥

kola karāla dasana chabi gāī | tanu bisāla pīvara adhikāī ||
ghurughurāta haya ārau pāye | cakita bilokata kāna uṭhāye ||