अध्याय 155: प्रतापभानु का धर्ममय राज्य

भूप प्रताप-भानु बल पाई । कामधेनु भइ भूमि सुहाई ॥
सब दुख बरजित प्रजा सुखारी । घरम-सील सुन्दर नर नारी ॥

bhūpa pratāpa-bhānu bala pāī | kāmadhenu bhai bhūmi suhāī ||
saba dukha barajita prajā sukhārī | gharama-sīla sundara nara nārī ||

सचिव धरमरुचि हरि-पद-प्रीती । नृप-हित-हेतु सिखव नित नीती ॥
गुरु सुर सन्त पितर महिदेवा । करइ सदा नृप सब के सेवा ॥

saciva dharamaruci hari-pada-prītī | nṛpa-hita-hetu sikhava nita nītī ||
guru sura santa pitara mahidevā | karai sadā nṛpa saba ke sevā ||

भूप-धरम जे बेद बखाने । सकल करइ सादर सुख माने ॥
दिन-प्रति देइ बिबिध बिधि दाना । सुनइ सास्त्र बर बेद पुराना ॥

bhūpa-dharama je beda bakhāne | sakala karai sādara sukha māne ||
dina-prati dei bibidha bidhi dānā | sunai sāstra bara beda purānā ||

नाना बापीं कूप तड़ागा । सुमन-बाटिका सुन्दर बागा ॥
बिप्र-भवन सुर-भवन सुहाये । सब तीरथन्ह विचित्र बनाये ॥

nānā bāpīṃ kūpa tar̤āgā | sumana-bāṭikā sundara bāgā ||
bipra-bhavana sura-bhavana suhāye | saba tīrathanha vicitra banāye ||