अध्याय 150: पुत्र बनने का प्रभु का वचन

देखि प्रीति सुनि बचन अमोले । एवमस्तु करुनानिधि बोले ॥
आपु सरिस खोजौं कहँ जाई । नृप तव तनय होब मैँ आई ॥

dekhi prīti suni bacana amole | evamastu karunānidhi bole ||
āpu sarisa khojauṃ kaham̐ jāī | nṛpa tava tanaya hoba maim̐ āī ||

सतरूपहि बिलोकि कर जोरें । देबि माँगु बर जो रुचि तोरे ॥
जो बर नाथ चतुर नृप माँगा । सोइ कृपाल मोहि अति प्रिय लागा ॥

satarūpahi biloki kara joreṃ | debi mām̐gu bara jo ruci tore ||
jo bara nātha catura nṛpa mām̐gā | soi kṛpāla mohi ati priya lāgā ||

प्रभु परन्तु सुठि होति ढिठाई । जदपि भगत-हित तुम्हहिँ सोहाई ॥
तुम्ह ब्रह्मादि-जनक जग स्वामी । ब्रह्म सकल-उर-अन्तरजामी ॥

prabhu parantu suṭhi hoti ḍhiṭhāī | jadapi bhagata-hita tumhahim̐ sohāī ||
tumha brahmādi-janaka jaga svāmī | brahma sakala-ura-antarajāmī ||

अस समुझत मन संसय होई । कहा जो प्रभु प्रवान पुनि सोई ॥
जे निज भगत नाथ तव अहहीँ । जो सुख पावहिँ जो गति लहहीँ ॥

asa samujhata mana saṃsaya hoī | kahā jo prabhu pravāna puni soī ||
je nija bhagata nātha tava ahahīm̐ | jo sukha pāvahim̐ jo gati lahahīm̐ ||