अध्याय 149: प्रभु समान पुत्र का वर

सुनि प्रभु बचन जोरि जुग पानी । धरि धीरज बोले मृदु बानी ॥
नाथ देखि पद-कमल तुम्हारे । अब पूरे सब काम हमारे ॥

suni prabhu bacana jori juga pānī | dhari dhīraja bole mṛdu bānī ||
nātha dekhi pada-kamala tumhāre | aba pūre saba kāma hamāre ||

एक लालसा बड़ि उर माहीँ । सुगम अगम कहि जाति सो नाहीँ ॥
तुम्हहिँ देत अति सुगम गोसाँई । अगम लाग मोहि निज कृपनाईं ॥

eka lālasā bar̤i ura māhīm̐ | sugama agama kahi jāti so nāhīm̐ ||
tumhahim̐ deta ati sugama gosām̐ī | agama lāga mohi nija kṛpanāīṃ ||

जथा दरिद्र कल्पतरु पाई । बहु सम्पति माँगत सकुचाई ॥
तासु प्रभाव जान नहिँ सोई । तथा हृदयँ मम संसय होई ॥

jathā daridra kalpataru pāī | bahu sampati mām̐gata sakucāī ||
tāsu prabhāva jāna nahim̐ soī | tathā hṛdayam̐ mama saṃsaya hoī ||

सो तुम्ह जानहु अन्तरजामी । पुरवहु मोर मनोरथ स्वामी ॥
सकुच बिहाइ माँगु नप मोही । मोरें नहिँ अदेय कछु तोही ॥

so tumha jānahu antarajāmī | puravahu mora manoratha svāmī ||
sakuca bihāi mām̐gu napa mohī | moreṃ nahim̐ adeya kachu tohī ||