अध्याय 148: श्रीराम के वाम भाग में सीता

पद-राजीव बरनि नहि जाहीँ । मुनि मन मधुप बसहिँ जिन्ह माहीं ॥
बाम भाग सोभति अनुकूला । आदि सक्ति छबि-निधि जग-मूला ॥

pada-rājīva barani nahi jāhīm̐ | muni mana madhupa basahim̐ jinha māhīṃ ||
bāma bhāga sobhati anukūlā | ādi sakti chabi-nidhi jaga-mūlā ||

जासु अंस उपजहिँ गुन खानी । अगनित लच्छि उमा ब्रह्मानी ॥
भृकुटि बिलास जासु जग होई । राम बाम-दिसि सीता सोई ॥

jāsu aṃsa upajahim̐ guna khānī | aganita lacchi umā brahmānī ||
bhṛkuṭi bilāsa jāsu jaga hoī | rāma bāma-disi sītā soī ||

छवि-समुद्र हरि रूप बिलोकी । एक टक रहे नयन पट रोकी ॥
चितवहिँ सादर रूप अनूपा । तृप्ति न मानहिँ मनु सतरूपा ॥

chavi-samudra hari rūpa bilokī | eka ṭaka rahe nayana paṭa rokī ||
citavahim̐ sādara rūpa anūpā | tṛpti na mānahim̐ manu satarūpā ||

हरष-बिबस तनु दसा भुलानी । परे दंड इव गहि पद पानी ॥
सिर परसे प्रभु निज-कर-कञ्जा । तुरत उठाये करुना-पुञ्जा ॥

haraṣa-bibasa tanu dasā bhulānī | pare daṃḍa iva gahi pada pānī ||
sira parase prabhu nija-kara-kañjā | turata uṭhāye karunā-puñjā ||