अध्याय 142: स्वायम्भुव मनु और उनका वंश

स्वायंभू-मनु अरु सतरूपा । जिन्ह तेँ मइ नर सृष्टि अनूपा ॥
दम्पति धरम-आचरन नीका । अजहुँ गाव श्रुति जिन्ह कै लीका ॥

svāyaṃbhū-manu aru satarūpā | jinha tem̐ mai nara sṛṣṭi anūpā ||
dampati dharama-ācarana nīkā | ajahum̐ gāva śruti jinha kai līkā ||

नृप उत्तानपाद सुत तासू । ध्रुव हरि-भगत भयउ सुत जासू ॥
लघु सुत नाम प्रिय्रब्रत ताही । बेद पुरान प्रसंसहिँ जाही ॥

nṛpa uttānapāda suta tāsū | dhruva hari-bhagata bhayau suta jāsū ||
laghu suta nāma priyrabrata tāhī | beda purāna prasaṃsahim̐ jāhī ||

देवहूति पुनि तासु कुमारी । जो मुनि-कर्दम के प्रिय नारी ॥
आदिदेव प्रभु दीनदयाला । जठर धरेउ जेहिं कपिल कृपाला ॥

devahūti puni tāsu kumārī | jo muni-kardama ke priya nārī ||
ādideva prabhu dīnadayālā | jaṭhara dhareu jehiṃ kapila kṛpālā ||

सांख्य सास्त्र जिन्ह प्रगट बखाना । तत्व बिचार निपुन भगवाना ॥
तेहिं मनु राज कीन्ह बहु काला । प्रभु आयसु सब बिधि प्रतिपाला ॥

sāṃkhya sāstra jinha pragaṭa bakhānā | tatva bicāra nipuna bhagavānā ||
tehiṃ manu rāja kīnha bahu kālā | prabhu āyasu saba bidhi pratipālā ||