अध्याय 140: हरि अनन्त, हरिकथा अनन्त

एहि बिधि जनम करम हरि केरे । सुन्दर सुखद बिचित्र घनेरे ॥
कलप कलप प्रति प्रभु अवतरहीँ । चारु चरित नाना विधि करहीँ ॥

ehi bidhi janama karama hari kere | sundara sukhada bicitra ghanere ||
kalapa kalapa prati prabhu avatarahīm̐ | cāru carita nānā vidhi karahīm̐ ||

तब तब कथा मुनीसन्ह गाई । परम पुनीत प्रबन्ध बनाई ॥
बिबिध प्रसङ्ग अनूप बखाने । करहिँ न सुनि आचरज सयाने ॥

taba taba kathā munīsanha gāī | parama punīta prabandha banāī ||
bibidha prasaṅga anūpa bakhāne | karahim̐ na suni ācaraja sayāne ||

हरि-अनन्त हरि-कथा-अनन्ता । कहहिँ सुनहिँ बहु बिधि सब सन्ता ॥
रामचन्द्र के चरित सुहाये । कलप कोटि लगि जाहिँ न गाये ॥

hari-ananta hari-kathā-anantā | kahahim̐ sunahim̐ bahu bidhi saba santā ||
rāmacandra ke carita suhāye | kalapa koṭi lagi jāhim̐ na gāye ||

यह प्रसङ्ग मैँ कहा भवानी । हरि-माया मोहहिँ मुनि ज्ञानी ॥
प्रभु कौतुकी प्रनत-हितकारी । सेवत सुलभ सकल-दुख-हारी ॥

yaha prasaṅga maim̐ kahā bhavānī | hari-māyā mohahim̐ muni jñānī ||
prabhu kautukī pranata-hitakārī | sevata sulabha sakala-dukha-hārī ||