अध्याय 139: शिवगणों के शाप का अनुग्रह

हर-गन मुनिहि जात पथ देखी । बिगत माह मन हरष बिसेखी ॥
अति सभीत नारद पहिँ आये । गहि-पद आरत बचन सुनाये ॥

hara-gana munihi jāta patha dekhī | bigata māha mana haraṣa bisekhī ||
ati sabhīta nārada pahim̐ āye | gahi-pada ārata bacana sunāye ||

हर-गन-हम न बिप्र मुनिराया । बड़ अपराध कीन्ह फल पाया ॥
साप-अनुग्रह करहु कृपाला । बोले नारद दीनदयाला ॥

hara-gana-hama na bipra munirāyā | bar̤a aparādha kīnha phala pāyā ||
sāpa-anugraha karahu kṛpālā | bole nārada dīnadayālā ||

निसिचर जाइ होहु तुम्ह दोऊ । बैभव बिपुल तेज बल होऊ ॥
भुज-बल बिस्व जितब तुम्ह जहिआ । धरिहहिँ बिष्नु मनुज तनु तहिआ ॥

nisicara jāi hohu tumha doū | baibhava bipula teja bala hoū ||
bhuja-bala bisva jitaba tumha jahiā | dharihahim̐ biṣnu manuja tanu tahiā ||

समर भरन हरि हाथ तुम्हारा । होइहहु मुकुत न पुनि संसारा ॥
चले जुगल मुनि-पद सिर नाई । भये निसाचर कालहि पाई ॥

samara bharana hari hātha tumhārā | hoihahu mukuta na puni saṃsārā ||
cale jugala muni-pada sira nāī | bhaye nisācara kālahi pāī ||