अध्याय 138: नारद का पश्चात्ताप और प्रभु की सान्त्वना

जब हरि माया दूरि निवारी । नहिँ तहँ रमा न राजकुमारी ॥
तब मुनि अति सभीत हरि-चरना । गहे पाहि प्रनतारति हरना ॥

jaba hari māyā dūri nivārī | nahim̐ taham̐ ramā na rājakumārī ||
taba muni ati sabhīta hari-caranā | gahe pāhi pranatārati haranā ||

मृषा होउ मम साप कृपाला । मम इच्छा कह दीनदयाला ॥
मैँ दुर्बचन कहे बहुतेरे । कह मुनि पाप मिटिहिं किमि मेरे ॥

mṛṣā hou mama sāpa kṛpālā | mama icchā kaha dīnadayālā ||
maim̐ durbacana kahe bahutere | kaha muni pāpa miṭihiṃ kimi mere ||

जपहु जाइ सङ्कर सत-नामा । होइहि हृदयँ तुरन्त बिस्रामा ॥
कोउ नहिँ सिव समान प्रिय मोरें । असि परतीति तजहु जनि भोरें ॥

japahu jāi saṅkara sata-nāmā | hoihi hṛdayam̐ turanta bisrāmā ||
kou nahim̐ siva samāna priya moreṃ | asi paratīti tajahu jani bhoreṃ ||

जेहि पर कृपा न करहिँ पुरारी । सो न पाव मुनि भगति हमारी ॥
अस उर धरि महि बिचरहु जाई । अब न तुम्हहिँ माया निअराई ॥

jehi para kṛpā na karahim̐ purārī | so na pāva muni bhagati hamārī ||
asa ura dhari mahi bicarahu jāī | aba na tumhahim̐ māyā niarāī ||