अध्याय 128: विष्णु के आगे नारद का गर्व

राम कीन्ह चाहहिँ सोइ होई । करइ अन्यथा अस नहिँ कोई ॥
सम्भु बचन मुनि मन नहिँ भाये । तब बिरञ्चि के लोक सिधाये ॥

rāma kīnha cāhahim̐ soi hoī | karai anyathā asa nahim̐ koī ||
sambhu bacana muni mana nahim̐ bhāye | taba birañci ke loka sidhāye ||

एक बार करतल बर-बीना । गावत हरि-गुन गान-प्रबीना ॥
छीरसिन्धु गवने मुनिनाथा । जहँ बस श्रीनिवास श्रुतिमाथा ॥

eka bāra karatala bara-bīnā | gāvata hari-guna gāna-prabīnā ||
chīrasindhu gavane munināthā | jaham̐ basa śrīnivāsa śrutimāthā ||

हरषि मिले उठि रमानिकेता । बैठे आसन रिषिहि समेता ॥
बोले बिहँसि चराचर-राया । बहुते दिनन कीन्हि मुनि दाया ॥

haraṣi mile uṭhi ramāniketā | baiṭhe āsana riṣihi sametā ||
bole biham̐si carācara-rāyā | bahute dinana kīnhi muni dāyā ||

काम-चरित नारद सब भाखे । जद्यपि प्रथम बरजि सिवँ राखे ॥
अति प्रचंड रघुपति कै माया । जेहि न मोह अस को जग जाया ॥

kāma-carita nārada saba bhākhe | jadyapi prathama baraji sivam̐ rākhe ||
ati pracaṃḍa raghupati kai māyā | jehi na moha asa ko jaga jāyā ||