अध्याय 124: नारद के शाप पर पार्वती का प्रश्न

तासु साप हरि कीन्ह प्रमाना । कौतुक-निधि कृपाल भगवाना ॥
तहाँ जलन्धर रावन भयऊ । रन हति राम परम-पद दयऊ ॥

tāsu sāpa hari kīnha pramānā | kautuka-nidhi kṛpāla bhagavānā ||
tahām̐ jalandhara rāvana bhayaū | rana hati rāma parama-pada dayaū ||

एक जनम कर कारन एहा । जेहि लागि राम धरी नर-देहा ॥
प्रति अवतार कथा प्रभु केरी । सुनु मुनि बरनी कबिन्ह घनेरी ॥

eka janama kara kārana ehā | jehi lāgi rāma dharī nara-dehā ||
prati avatāra kathā prabhu kerī | sunu muni baranī kabinha ghanerī ||

नारद साप दीन्ह एक बारा । कलप एक तेहि लगि अवतारा ॥
गिरिजा चकित भई सुनि बानी । नारद बिष्नु भगत पुनि ज्ञानी ॥

nārada sāpa dīnha eka bārā | kalapa eka tehi lagi avatārā ||
girijā cakita bhaī suni bānī | nārada biṣnu bhagata puni jñānī ||

कारन कवन साप मुनि दीन्हा । का अपराध रमापति कीन्हा ॥
यह प्रसङ्ग मोहि कहहु पुरारी । मुनि मन मोह आचरज भारी ॥

kārana kavana sāpa muni dīnhā | kā aparādha ramāpati kīnhā ||
yaha prasaṅga mohi kahahu purārī | muni mana moha ācaraja bhārī ||