अध्याय 121: श्रीराम के अवतार का कारण

सुनु गिरिजा हरिचरित सुहाये । बिपुल बिसद निगमागम गाये ॥
हरि अवतार हेतु जेहि होई । इदमित्थं कहि जाइ न सोई ॥

sunu girijā haricarita suhāye | bipula bisada nigamāgama gāye ||
hari avatāra hetu jehi hoī | idamitthaṃ kahi jāi na soī ||

राम अतर्क्य बुद्धि मन बानी । मत हमार अस सुनहिँ सयानी ॥
तदपि सन्त मुनि बेद पुराना । जस कछु कहहिँ स्वमति अनुमाना ॥

rāma atarkya buddhi mana bānī | mata hamāra asa sunahim̐ sayānī ||
tadapi santa muni beda purānā | jasa kachu kahahim̐ svamati anumānā ||

तस मैँ सुमुखि सुनावउँ तोही । समुझि परइ जस कारन मोही ॥
जब जब होइ धरम कै हानी । बाढ़इ असुर अधम अभिमानी ॥

tasa maim̐ sumukhi sunāvaum̐ tohī | samujhi parai jasa kārana mohī ||
jaba jaba hoi dharama kai hānī | bār̤hai asura adhama abhimānī ||

करहिँ अनीति जाइ नहिँ बरनी । सीदहिँ बिप्र-धेनु-सुर-धरनी ॥
तब तब प्रभु धरि बिबिध सरीरा । हरहिं कृपानिधि सज्जन पीरा ॥

karahim̐ anīti jāi nahim̐ baranī | sīdahim̐ bipra-dhenu-sura-dharanī ||
taba taba prabhu dhari bibidha sarīrā | harahiṃ kṛpānidhi sajjana pīrā ||