अध्याय 97: सीता का उत्तर, छाया शरीर से अलग नहीं

बिनती भूप कीन्ह जेहि भाँती । आरति प्रीति न सो कहि जाती ॥
पितु सँदेस सुनि कृपानिधाना । सियहि दीन्ह सिख कोटि विधाना ॥

binatī bhūpa kīnha jehi bhām̐tī | ārati prīti na so kahi jātī ||
pitu sam̐desa suni kṛpānidhānā | siyahi dīnha sikha koṭi vidhānā ||

सासु ससुर गुरु प्रिय परिवारू । फिरतु त सब कर मिटइ खभारू ॥
सुनि पति-बचन कहति बैदेही । सुनहु प्रानपति परम-सनेही ॥

sāsu sasura guru priya parivārū | phiratu ta saba kara miṭai khabhārū ||
suni pati-bacana kahati baidehī | sunahu prānapati parama-sanehī ||

प्रभु करुनामय परम बिबेकी । तनु तजि रहति छाँह किमि छेंकी ॥
प्रभा जाइ कहँ भानु बिहाई । कहँ चन्द्रिका चन्द तजि जाई ॥

prabhu karunāmaya parama bibekī | tanu taji rahati chām̐ha kimi cheṃkī ||
prabhā jāi kaham̐ bhānu bihāī | kaham̐ candrikā canda taji jāī ||

पतिहि प्रेम-मय बिनय सुनाई । कहति सचिव सन गिरा सुहाई ॥
तुम्ह पितु-ससुर-सरिस हितकारी । उत्तर देउँ फिरि अनुचित भारी ॥

patihi prema-maya binaya sunāī | kahati saciva sana girā suhāī ||
tumha pitu-sasura-sarisa hitakārī | uttara deum̐ phiri anucita bhārī ||