अध्याय 95: श्रीराम का सुमन्त्र को सत्य धर्म का बोध

तात कृपा करि कीजिय सोई । जातें अवध अनाथ न होई ॥
मंत्रहि राम उठाइ प्रबोधा । तात धरम-मत तुम्ह सब सोधा ॥

tāta kṛpā kari kījiya soī | jāteṃ avadha anātha na hoī ||
maṃtrahi rāma uṭhāi prabodhā | tāta dharama-mata tumha saba sodhā ||

सिबि दधीचि हरिचन्द नरेसा । सहे धरम हित कोटि कलेसा ॥
रन्तिदेव बलि भूप सुजाना । धरम धरेउ सहि सङ्कट नाना ॥

sibi dadhīci haricanda naresā | sahe dharama hita koṭi kalesā ||
rantideva bali bhūpa sujānā | dharama dhareu sahi saṅkaṭa nānā ||

धरम न दूसर सत्य समाना । आगम निगम पुरान बखाना ॥
मैं सोइ धरम सुलभ करि पावा । तजें तिहूँ पुर अपजस छावा ॥

dharama na dūsara satya samānā | āgama nigama purāna bakhānā ||
maiṃ soi dharama sulabha kari pāvā | tajeṃ tihūm̐ pura apajasa chāvā ||

सम्भावित कह अपजस लाहू । मरन कोटि सम दारुन दाहू ॥
तुम्ह सन तात बहुत का कहऊँ । दिये उत्तर फिरि पातक लहऊँ ॥

sambhāvita kaha apajasa lāhū | marana koṭi sama dāruna dāhū ||
tumha sana tāta bahuta kā kahaūm̐ | diye uttara phiri pātaka lahaūm̐ ||