अध्याय 93: मोह की रात से जागकर रामचरणों में प्रेम

अस बिचारि नहिं कीजिय रोसू । काहुहि बादि न देइअ दोषू ॥
मोह-निसाँ सब सोवनिहारा । देखिय सपन अनेक प्रकारा ॥

asa bicāri nahiṃ kījiya rosū | kāhuhi bādi na deia doṣū ||
moha-nisām̐ saba sovanihārā | dekhiya sapana aneka prakārā ||

एहिं जग-जामिनि जागहिं जोगी । परमारथी प्रपञ्च बियोगी ॥
जानिय तबहिँ जीव जग जागा । जब सब बिषय-बिलास बिरागा ॥

ehiṃ jaga-jāmini jāgahiṃ jogī | paramārathī prapañca biyogī ||
jāniya tabahim̐ jīva jaga jāgā | jaba saba biṣaya-bilāsa birāgā ||

होइ बिबेक मोह भ्रम भागा । तब रघुनाथ चरन अनुरागा ॥
सखा परम परमारथ एहू । मन क्रम बचन राम-पद नेहू ॥

hoi bibeka moha bhrama bhāgā | taba raghunātha carana anurāgā ||
sakhā parama paramāratha ehū | mana krama bacana rāma-pada nehū ||

राम ब्रह्म परमारथ रूपा । अबिगत अलख अनादि अनूपा ॥
सकल बिकार रहित गत भेदा । कहि नित नेति निरूपहिँ बेदा ॥

rāma brahma paramāratha rūpā | abigata alakha anādi anūpā ||
sakala bikāra rahita gata bhedā | kahi nita neti nirūpahim̐ bedā ||