अध्याय 92: लक्ष्मण का उपदेश, जगत स्वप्न है

भइ दिनकर-कुल-बिटप कुठारी । कुमति कीन्ह सब बिस्व दुखारी ॥
भयउ बिषाद निषादहि भारी । राम-सीय महि सयन निहारी ॥

bhai dinakara-kula-biṭapa kuṭhārī | kumati kīnha saba bisva dukhārī ||
bhayau biṣāda niṣādahi bhārī | rāma-sīya mahi sayana nihārī ||

बोले लखन मधुर मृदु-बानी । ज्ञान-बिराग भगति-रस सानी ॥
काहु न कोउ सुख दुख कर दाता । निज कृत करम भोग सुनु भ्राता ॥

bole lakhana madhura mṛdu-bānī | jñāna-birāga bhagati-rasa sānī ||
kāhu na kou sukha dukha kara dātā | nija kṛta karama bhoga sunu bhrātā ||

जोग बियोग भोग भल मन्दा । हित अनहित मध्यम भ्रम फन्दा ॥
जनम मरन जहँ लगि जग जालू । सम्पति बिपति करम अरु कालू ॥

joga biyoga bhoga bhala mandā | hita anahita madhyama bhrama phandā ||
janama marana jaham̐ lagi jaga jālū | sampati bipati karama aru kālū ||

धरनि धाम धन पुर परिवारू । सरग नरक जहँ लगि व्यवहारू ॥
देखिय सुनिय गुनिअ मन माहीं । मोह मूल परमारथ नाहीं ॥

dharani dhāma dhana pura parivārū | saraga naraka jaham̐ lagi vyavahārū ||
dekhiya suniya gunia mana māhīṃ | moha mūla paramāratha nāhīṃ ||