अध्याय 91: भूमि पर सोते सिय राम पर गुह का शोक

बिबिध बसन उपधान तुराई । छीर-फेन मृदु बिसद सुहाई ॥
तहँ सिय राम सयन निसि करहीं । निज छबि रति-मनोज मद हरहीं ॥

bibidha basana upadhāna turāī | chīra-phena mṛdu bisada suhāī ||
taham̐ siya rāma sayana nisi karahīṃ | nija chabi rati-manoja mada harahīṃ ||

ते सिय-राम साथरीं सोये । श्रमित बसन बिनु जाहिँ न जोए ॥
मातु पिता परिजन पुरबासी । सखा सुसील दास अरु दासी ॥

te siya-rāma sātharīṃ soye | śramita basana binu jāhim̐ na joe ||
mātu pitā parijana purabāsī | sakhā susīla dāsa aru dāsī ||

जोगवहिँ जिन्हहिँ प्रान की नाई । महि सोवत तेइ राम गोसाँई ॥
पिता जनक जग बिदित प्रभाऊ । ससुर सुरेस-सखा रघुराऊ ॥

jogavahim̐ jinhahim̐ prāna kī nāī | mahi sovata tei rāma gosām̐ī ||
pitā janaka jaga bidita prabhāū | sasura suresa-sakhā raghurāū ||

रामचन्द्र पति सो बैदेही । सोवत महि बिधि बाम न केही ॥
सिय-रघुबीर कि कानन जोगू । करम-प्रधान सत्य कह लोगू ॥

rāmacandra pati so baidehī | sovata mahi bidhi bāma na kehī ||
siya-raghubīra ki kānana jogū | karama-pradhāna satya kaha logū ||