अध्याय 87: शृंगवेरपुर पहुँचकर गंगा के दर्शन

सीता सचिव सहित दोउ भाई । सृङ्गबेरपुर पहुँचे जाई ॥
उतरे राम देवसरि देखी । कीन्ह दंडवत हरष बिसेखी ॥

sītā saciva sahita dou bhāī | sṛṅgaberapura pahum̐ce jāī ||
utare rāma devasari dekhī | kīnha daṃḍavata haraṣa bisekhī ||

लखन सचिवँ सियँ किये प्रनामा । सबहिँ सहित सुख पायउ रामा ॥
गङ्ग सकल मुद-मङ्गल-मूला । सब सुख-करनि हरनि सब सूला ॥

lakhana sacivam̐ siyam̐ kiye pranāmā | sabahim̐ sahita sukha pāyau rāmā ||
gaṅga sakala muda-maṅgala-mūlā | saba sukha-karani harani saba sūlā ||

कहि कहि कोटिक कथा प्रसङ्गा । राम बिलोकहिँ गङ्ग-तरङ्गा ॥
सचिवहि अनुजहि प्रियहि सुनाई । बिबुध नदी महिमा अधिकाई ॥

kahi kahi koṭika kathā prasaṅgā | rāma bilokahim̐ gaṅga-taraṅgā ||
sacivahi anujahi priyahi sunāī | bibudha nadī mahimā adhikāī ||

मज्जन कीन्ह पन्थ स्त्रम गयऊ । सुचि जल पिअत मुदित मन भयऊ ॥
सुमिरत जाहि मिटइ श्रम-भारू । तेहि श्रम यह लौकिक व्यवहारू ॥

majjana kīnha pantha strama gayaū | suci jala piata mudita mana bhayaū ||
sumirata jāhi miṭai śrama-bhārū | tehi śrama yaha laukika vyavahārū ||