अध्याय 61: श्रीराम सीता को घर रहने को कहते हैं

मातु समीप कहत सकुचाहीँ । बोले समउ समुझि मन माहीं ॥
राजकुमारि सिखावन सुनहू । आन भाँति जियँ जनि कछु गुनहू ॥

mātu samīpa kahata sakucāhīm̐ | bole samau samujhi mana māhīṃ ||
rājakumāri sikhāvana sunahū | āna bhām̐ti jiyam̐ jani kachu gunahū ||

आपन मोर नीक जौं चहहू । बचन हमार मानि गृह रह हूँ ॥
आयसु मोर सासु सेवकाई । सब बिधि भामिनि भवन भलाई ॥

āpana mora nīka jauṃ cahahū | bacana hamāra māni gṛha raha hūm̐ ||
āyasu mora sāsu sevakāī | saba bidhi bhāmini bhavana bhalāī ||

एहि ते अधिक धरम नहिं दूजा । सादर सासु-ससुर-पद-पूजा ॥
जब जब मातु करिहि सुधि मोरी । होइहि प्रेम-विकल मति भोरी ॥

ehi te adhika dharama nahiṃ dūjā | sādara sāsu-sasura-pada-pūjā ||
jaba jaba mātu karihi sudhi morī | hoihi prema-vikala mati bhorī ||

तब तब तुम्ह कहि कथा पुरानी । सुन्दरि समुझाएहु मृदु-बानी ॥
कहउँ सुभायँ सपथ सत मोही । सुमुखि मातु-हित राखउँ तोही ॥

taba taba tumha kahi kathā purānī | sundari samujhāehu mṛdu-bānī ||
kahaum̐ subhāyam̐ sapatha sata mohī | sumukhi mātu-hita rākhaum̐ tohī ||