अध्याय 60: वन सीता के योग्य नहीं

बन हित कोल-किरात-किसोरी । रचीं बिरञ्चि बिषय-सुख-भोरी ॥
पाइन कृमि जिमि कठिन सुभाऊ । तिन्हहि कलेस न कानन काऊ ॥

bana hita kola-kirāta-kisorī | racīṃ birañci biṣaya-sukha-bhorī ||
pāina kṛmi jimi kaṭhina subhāū | tinhahi kalesa na kānana kāū ||

कै तापस-तिय कानन-जोगू । जिन्ह तप हेतु तजा सब भोगू ॥
सिय बन बसिहि तात केहि भाँती । चित्र लिखित कपि देखि डेराती ॥

kai tāpasa-tiya kānana-jogū | jinha tapa hetu tajā saba bhogū ||
siya bana basihi tāta kehi bhām̐tī | citra likhita kapi dekhi ḍerātī ||

सुर-सर सुभग बनज-बन चारी । डाबर जोग कि हंस-कुमारी ॥
अस बिचारि जस आयसु होई । मैं सिख देउँ जानकिहि सोई ॥

sura-sara subhaga banaja-bana cārī | ḍābara joga ki haṃsa-kumārī ||
asa bicāri jasa āyasu hoī | maiṃ sikha deum̐ jānakihi soī ||

जौँ सिय भवन रहइ कह अम्बा । मोहि कहँ होइ बहुत अवलम्बा ॥
सुनि रघुबीर मातु प्रिय-बानी । सील-सनेह-सुधाँ जनु सानी ॥

jaum̐ siya bhavana rahai kaha ambā | mohi kaham̐ hoi bahuta avalambā ||
suni raghubīra mātu priya-bānī | sīla-saneha-sudhām̐ janu sānī ||