अध्याय 55: कौसल्या ने स्नेह पर धर्म चुना

राखि न सकइ न कहि सक जाहू । दुहूँ भाँति उर दारुन दाहू ॥
लिखत सुधाकर गा लिखि राहू । विधि-गति बाम सदा सब काहू ॥

rākhi na sakai na kahi saka jāhū | duhūm̐ bhām̐ti ura dāruna dāhū ||
likhata sudhākara gā likhi rāhū | vidhi-gati bāma sadā saba kāhū ||

धरम सनेह उभयँ मति घेरी । भइ गति साँप छुछुंदरि केरी ॥
राखउँ सुतहि करउँ अनुरोधू । धरम जाइ अरु बन्धु-बिरोधू ॥

dharama saneha ubhayam̐ mati gherī | bhai gati sām̐pa chuchuṃdari kerī ||
rākhaum̐ sutahi karaum̐ anurodhū | dharama jāi aru bandhu-birodhū ||

कहउँ जान बन तो बड़ि हानी । सङ्कट-सोच बिबस भइ रानी ॥
बहुरि समुझि तिय-धरम सयानी । रामु भरतु दोउ सुत सम जानी ॥

kahaum̐ jāna bana to bar̤i hānī | saṅkaṭa-soca bibasa bhai rānī ||
bahuri samujhi tiya-dharama sayānī | rāmu bharatu dou suta sama jānī ||

सरल सुभाउ राम महँतारी । बोली बचन धीर धरि भारी ॥
तात जाउँ बलि कीन्हेहु नीका । पितु आयसु सब धरमक टीका ॥

sarala subhāu rāma maham̐tārī | bolī bacana dhīra dhari bhārī ||
tāta jāum̐ bali kīnhehu nīkā | pitu āyasu saba dharamaka ṭīkā ||