अध्याय 52: कौसल्या का पुत्र पर उमड़ा स्नेह

रघुकुल-तिलक जारि दोउ हाथा । मुदित मातु-पद नायउ माथा ॥
दीन्हि असीस लाइ उर लीन्हे । भूषन-बसन निछावरि कीन्हे ॥

raghukula-tilaka jāri dou hāthā | mudita mātu-pada nāyau māthā ||
dīnhi asīsa lāi ura līnhe | bhūṣana-basana nichāvari kīnhe ||

बार बार मुख चुम्बति माता । नयन-नेह-जल पुलकित-गाता ॥
गोद राखि पुनि हृदयँ लगाये । स्त्रवत प्रेनरस पयद सुहाये ॥

bāra bāra mukha cumbati mātā | nayana-neha-jala pulakita-gātā ||
goda rākhi puni hṛdayam̐ lagāye | stravata prenarasa payada suhāye ||

प्रेम प्रमोद न कछु कहि जाई । रङ्क धनद-पदवी जनु पाई ॥
सादर सुन्दर बदन निहारी । बोली मधुर बचन महँतारी ॥

prema pramoda na kachu kahi jāī | raṅka dhanada-padavī janu pāī ||
sādara sundara badana nihārī | bolī madhura bacana maham̐tārī ||

कहहु तात जननी बलिहारी । कबहिं लगन मुद-मङ्गलकारी ॥
सुकृत-सील सुख सीवँ सुहाई । जनम-लाभ कइ अवधि अघाई ॥

kahahu tāta jananī balihārī | kabahiṃ lagana muda-maṅgalakārī ||
sukṛta-sīla sukha sīvam̐ suhāī | janama-lābha kai avadhi aghāī ||