अध्याय 49: कुल की वृद्धाएँ कैकेयी को समझाती हैं

एक विधातहि दूषन देंहीं । सुधा देखाइ दीन्ह बिष जेहीं ॥
खरभरु नगर सोच सब काहू । दुसह दाह उर मिटा उछाहू ॥

eka vidhātahi dūṣana deṃhīṃ | sudhā dekhāi dīnha biṣa jehīṃ ||
kharabharu nagara soca saba kāhū | dusaha dāha ura miṭā uchāhū ||

बिप्रबधू-कुलमान्य-जठेरी । जे प्रिय परम कैकेई केरी ॥
लगीँ देन सिख सील सराही । बचन बान सम लागहिँ नाही ॥

biprabadhū-kulamānya-jaṭherī | je priya parama kaikeī kerī ||
lagīm̐ dena sikha sīla sarāhī | bacana bāna sama lāgahim̐ nāhī ||

भरत न मोहि प्रिय राम समाना । सदा कहहु यह सब जग जाना ॥
करहु राम पर सहज सनेहू । केहिं अपराध आजु बन देहू ॥

bharata na mohi priya rāma samānā | sadā kahahu yaha saba jaga jānā ||
karahu rāma para sahaja sanehū | kehiṃ aparādha āju bana dehū ||

कबहुँ न कियहु सवति आरेसू । प्रीति प्रतीति जान सब देसू ॥
कौसल्याँ अब काह बिगारा । तुम्ह जेहि लागि बज्र पुर पारा ॥

kabahum̐ na kiyahu savati āresū | prīti pratīti jāna saba desū ||
kausalyām̐ aba kāha bigārā | tumha jehi lāgi bajra pura pārā ||