अध्याय 48: अयोध्या में मतभेद, भरत पर अटल विश्वास

का सुनाइ बिधि काह सुनावा । का देखाइ वह काह देखावा ॥
एक कहहिँ भल भूप न कीन्हा । बरु बिचारि नहिँ कुमतिहि दीन्हा ॥

kā sunāi bidhi kāha sunāvā | kā dekhāi vaha kāha dekhāvā ||
eka kahahim̐ bhala bhūpa na kīnhā | baru bicāri nahim̐ kumatihi dīnhā ||

जो हठि भयउ सकल-दुख-भाजन । अबला-बिबस ज्ञान-गुन-गा जनु ॥
एक धरम-परमिति पहिचाने । नृपहि दोस नहिँ देहिँ सयाने ॥

jo haṭhi bhayau sakala-dukha-bhājana | abalā-bibasa jñāna-guna-gā janu ||
eka dharama-paramiti pahicāne | nṛpahi dosa nahim̐ dehim̐ sayāne ||

सिबि दधीचि हरिचन्द कहानी । एक एक सन कहहिँ बखानी ॥
एक भरत कर सम्मत कहहीँ । एक उदास-भायँ सुनि रहहीं ॥

sibi dadhīci haricanda kahānī | eka eka sana kahahim̐ bakhānī ||
eka bharata kara sammata kahahīm̐ | eka udāsa-bhāyam̐ suni rahahīṃ ||

कान मूँदि कर रद गहि जीहा । एक कहहिं यह बात अलीहा ॥
सुकृत जाहिँ अस कहत तुम्हारे । राम भरत कहूँ प्रान-पियारे ॥

kāna mūm̐di kara rada gahi jīhā | eka kahahiṃ yaha bāta alīhā ||
sukṛta jāhim̐ asa kahata tumhāre | rāma bharata kahūm̐ prāna-piyāre ||