अध्याय 38: सुमन्त्र ने राजा को व्याकुल पाया

पछिले पहर भूप नित जागा । आजु हमहि बड़ अचरज लागा ॥
जाहु सुमन्त्र जगावहु जाई । कीजिअ काज रजायसु पाई ॥

pachile pahara bhūpa nita jāgā | āju hamahi bar̤a acaraja lāgā ||
jāhu sumantra jagāvahu jāī | kījia kāja rajāyasu pāī ||

गए सुमन्त्र तब राउर माहीं । देखि भयावन जात डेराहीं ॥
धाइ खाइ जनु जाइ न हेरा । मानहुँ बिपति बिषाद बसेरा ॥

gae sumantra taba rāura māhīṃ | dekhi bhayāvana jāta ḍerāhīṃ ||
dhāi khāi janu jāi na herā | mānahum̐ bipati biṣāda baserā ||

पूछें कोउ न ऊतरु देई । गए जेंहिं भवन भूप कैकैई ॥
कहि जयजीव बैठ सिर नाई । देखि भूप गति गयउ सुखाई ॥

pūcheṃ kou na ūtaru deī | gae jeṃhiṃ bhavana bhūpa kaikaiī ||
kahi jayajīva baiṭha sira nāī | dekhi bhūpa gati gayau sukhāī ||

सोच बिकल बिबरन महि परेऊ । मानहुँ, कमल मूलु परिहरेऊ ॥
सचिव सभीत सकइ नहिं पूछी । बोली असुभ-भरी सुभ-छूछी ॥

soca bikala bibarana mahi pareū | mānahum̐, kamala mūlu parihareū ||
saciva sabhīta sakai nahiṃ pūchī | bolī asubha-bharī subha-chūchī ||