अध्याय 37: व्यथा की रात और भोर

राम राम रट बिकल भुआलू । जनु बिनु पङ्ख बिहँग बेहालू ॥
हृदयँ मनाव भोर जनि होई । रामहि जाइ कहइ जनि कोई ॥

rāma rāma raṭa bikala bhuālū | janu binu paṅkha biham̐ga behālū ||
hṛdayam̐ manāva bhora jani hoī | rāmahi jāi kahai jani koī ||

उदय करहु जनि रबि रघुकुल-गुर । अवध बिलोकि सूल होइहि उर ॥
भूप प्रीति कैकइ-कठिनाई । उभय अवधि विधि रची बनाई ॥

udaya karahu jani rabi raghukula-gura | avadha biloki sūla hoihi ura ||
bhūpa prīti kaikai-kaṭhināī | ubhaya avadhi vidhi racī banāī ||

बिलपत नृपहि भयउ भिनुसारा । बीना-बेनु-सङ्ख धुनि द्वारा ॥
पढ़हिं भाट गुन गावहिं गायक । सुनत नृपहि जनु लागहिँ सायक ॥

bilapata nṛpahi bhayau bhinusārā | bīnā-benu-saṅkha dhuni dvārā ||
par̤hahiṃ bhāṭa guna gāvahiṃ gāyaka | sunata nṛpahi janu lāgahim̐ sāyaka ||

मङ्गल सकल सोहाहिँ न कैसें । सहगामिनिहि विभूषन जैसें ॥
तेहिं निसि नींद परी नहिं काहू । राम दरस लालसा उछाहू ॥

maṅgala sakala sohāhim̐ na kaiseṃ | sahagāminihi vibhūṣana jaiseṃ ||
tehiṃ nisi nīṃda parī nahiṃ kāhū | rāma darasa lālasā uchāhū ||