अध्याय 32: दूसरा वर छोड़ने की राजा की विनती

राम सपथ सत कहउँ सुभाऊ । राम-मातु कछु कहेउ न काऊ ॥
मैं सब कीन्ह तोहि बिनु पूछे । तेहि तेँ परेउ मनोरथ छूछें ॥

rāma sapatha sata kahaum̐ subhāū | rāma-mātu kachu kaheu na kāū ||
maiṃ saba kīnha tohi binu pūche | tehi tem̐ pareu manoratha chūcheṃ ||

रिस परिहरू अब मङ्गल साजू । कछु दिन गये भरत जुबराजू ॥
एकहि बात मोहि दुख लागा । बर दूसर असमञ्जस माँगा ॥

risa pariharū aba maṅgala sājū | kachu dina gaye bharata jubarājū ||
ekahi bāta mohi dukha lāgā | bara dūsara asamañjasa mām̐gā ||

अजहूँ हृदय जरत तेहि आँचा । रिस परिहास कि साँचेहु साँचा ॥
कहु तजि रोष राम अपराधू । सब कोउ कहइ राम सुठि साधू ॥

ajahūm̐ hṛdaya jarata tehi ām̐cā | risa parihāsa ki sām̐cehu sām̐cā ||
kahu taji roṣa rāma aparādhū | saba kou kahai rāma suṭhi sādhū ||

तुहूँ सराहसि करसि सनेहू । अब सुनि मोहि भयउ सन्देहू ॥
जासु सुभाउ अरिहि अनुकूला । सो किमि करिहि मातु प्रतिकूला ॥

tuhūm̐ sarāhasi karasi sanehū | aba suni mohi bhayau sandehū ||
jāsu subhāu arihi anukūlā | so kimi karihi mātu pratikūlā ||