अध्याय 31: राजा की विनती: भरत को राज्य सही

आगें दीखि जरत रिस भारी । मनहुँ रोष तरवारि उघारी ॥
मूठि कुबुद्धि धार निठुराई । धरी कूबरीं सान बनाई ॥

āgeṃ dīkhi jarata risa bhārī | manahum̐ roṣa taravāri ughārī ||
mūṭhi kubuddhi dhāra niṭhurāī | dharī kūbarīṃ sāna banāī ||

लखी महीप कराल कठोरा । सत्य कि जीवन लेइहि मोरा ॥
बोले राउ कठिन करि छाती । बानी सबिनय तासु सोहाती ॥

lakhī mahīpa karāla kaṭhorā | satya ki jīvana leihi morā ||
bole rāu kaṭhina kari chātī | bānī sabinaya tāsu sohātī ||

प्रिया बचन कस कहसि कुभाँती । भीर प्रतीति प्रीति करि हाँती ॥
मोरें भरत राम दुइ आँखी । सत्य कहउँ करि संकरू साखी ॥

priyā bacana kasa kahasi kubhām̐tī | bhīra pratīti prīti kari hām̐tī ||
moreṃ bharata rāma dui ām̐khī | satya kahaum̐ kari saṃkarū sākhī ||

अवसि दूत मैं पठइब प्राता । ऐहहिं बेगि सुनत दोउ भ्राता ॥
सुदिन सोधि सब साज सजाई । देउँ भरत कहुँ राज बजाई ॥

avasi dūta maiṃ paṭhaiba prātā | aihahiṃ begi sunata dou bhrātā ||
sudina sodhi saba sāja sajāī | deum̐ bharata kahum̐ rāja bajāī ||