अध्याय 316: श्रीराम भरत को पादुकाएँ देते हैं

राज-धरम-सरबस एतनोई । जिमि मन माहँ मनोरथ गोई ॥
बन्धु प्रबोध कीन्ह बहु भाँती । बिनु अधार मन तोषु न साँती ॥

rāja-dharama-sarabasa etanoī | jimi mana māham̐ manoratha goī ||
bandhu prabodha kīnha bahu bhām̐tī | binu adhāra mana toṣu na sām̐tī ||

भरत सील गुरु सचिव समाजू । सकुच सनेह बिबस रघुराजू ॥
प्रभु करि कृपा पाँवरीं दीन्हीँ । सादर भरत सीस धरि लीन्हीं ॥

bharata sīla guru saciva samājū | sakuca saneha bibasa raghurājū ||
prabhu kari kṛpā pām̐varīṃ dīnhīm̐ | sādara bharata sīsa dhari līnhīṃ ||

चरनपीठ करुनानिधान के । जनु जुग जामिक प्रजा प्रान के ॥
सम्पुट भरत सनेह-रतन के । आखर जुग जनु जीव जतन के ॥

caranapīṭha karunānidhāna ke | janu juga jāmika prajā prāna ke ||
sampuṭa bharata saneha-ratana ke | ākhara juga janu jīva jatana ke ||

कुल-कपाट कर कुसल करम के । बिमल नयन सेवा सुधरम के ॥
भरत मुदित अवलम्ब लहे से । अस सुख जस सिय-राम रहे तेँ ॥

kula-kapāṭa kara kusala karama ke | bimala nayana sevā sudharama ke ||
bharata mudita avalamba lahe se | asa sukha jasa siya-rāma rahe tem̐ ||